SCHLESVICUM

SCHLESVICUM

German. SCHLESVICK, provinc. Germaniae, in Cimbrica Chersoneso. Marchionatus primum ab Henrico Aucupe, victô Danorum Rege Gormone, institutus: a Conrado II. IMperatore Canuto Dno cessus est, cuius filiam Henrico filio in uxorem pepigerat. Ducatûs dein titulô a Nicolao Daniae Rege Canutus Erici Regis fil. A. C. 1118. inde alii, regiô Danorum sanguine orti, usque ad Woldematum erici filium tenuerunt; qui 12. adhuc annorum puer, pulsô a Danis Christophorô, in Regnum accitus, Gerhardo avunculo Slesvicum concessit. Sed brevi post inter hos tres conventum, ut Christophorus Regno restitutus 80000. marcas argenti Comiti Gerhardo exsolveret, Slesvicum etiam recepturo, quando Woldemarus sine herede excederet. Quae sors obvenit Gerhardi nepoti, Gerhardo VII. Ducis Slesvicensis titulô in clientelam, ab Olao II. eiusque matre Margaretâ, acceptô, A. C. 1380. Illi successit fil. Adolfus, infidiis et apertâ vi, a Matgaretha, et Erico, quem illa adoptaverat, frustra petitus. Post eius mortem, in Christiano sororis filio, Daniae regnum Slesvicique Ducatus colauêre, ex cuius posteris Holsatiae Duces, quamquam clientelae neux se agnatis Daniae Regibus obstrictos haud inficiarentur, cum tamen maiorem libertatem sibi arrogarent, ac istis permittere commodum esset, lites diuturnae exortae sunt, pactione tandem Augusti Electoris Saxoniae, Ulrici Meckelburgii et Guilielmi Hassi operâ, utcumque compositae. Acerbius certamen haec aetas tulit. Redintegratô enim inter Danos Suecosque ante aliquot lustra bellô, Daniae Regi, adversam fortunam experto, inter alias leges etiam haec imposita, ut Fridericum Holsatiae Ducem (cuius filiam Hedvigem Eleonoram Carolus Gustavus Suecorum Rex sibi iunxerat) sicque Gottorpiensis familiae Duces, sui iuris esse pateretur. Sed Christianus hodie imperans, Christianum Albertum Holsatiae Ducem eo postmodum adegit, ut is abdicatô summô istô in Slesvicensem terram iure, Danicam clientelam publicâ fide denuo profiteretur. Quod cum hic vi extortum quereretur, provinciâ pulsus tandem Pace Noviomagensi restitutus est, vide Tob. Pfannerum de praecipuis Germ. Princ. gentibus, ut et in voce Slesvicum.